Kizito n'abo bareganwa mu rukiko rukuru

Kizito wamenyekanye cyane mu Rwanda ku buhanzi bw'indirimbo z'ubwiyunge n'iz'Imana, we n'abagenzi be, bakurikirayweho n'ubushinjacyaha ibyaha bitanu, birimo ubugambanyi.

Kizito yemera ibyaha byose ashinjwa, ariko abaregwa bavuze ko batiteguye kuburanishwa kandi ko bakeneye igihe cyo kwiga dosiye y'ibirego byabo.
Abaregwa uko ari bane, Kizito Mihigo, Jean Paul Dukuzumuremyi, wahoze mu ngabo z'u Rwanda, Agnes Niyibizi umunyeshuri muri kaminuza na Cassien Ntamuhanga wakoraga umwuga w'itangazamakuru, bazaywe bwa mbere mu rukiko mu myenda y'iroza, iranga abafunzwe batarakatirwa mu Rwanda.
Bararegwa ibyaha b'iterabwoba, birimo umugambi wo guhungabanya umutekano w'igihugu n'uwa prezida Paul Kagame ndetse n'ubugambanyi.
Kizito byu'umwihariko akurikirayweho icyaha cya gatanu cy'ubugambanyi mu cyaha cy'ubwicanyi, ibyaha yemereye mu rukiko rw'ibanze bwa mbere hari mu kwezi kwa kane uyu mwaka.
Mu iburaisha ry'igihe cyitageze ku gice cy'isaha, abaregwa babwiye urukiko ko batiteguye kuburana kuko na n'ubu batarabona igihe gihagije cyo kwiga dosiye ikubiyemo ibirego bakurikirayweho n'ubushinjacyaha.
Babwira umucamanza ko babonye iyo dosiye ku mugoroba w'ijoro ryacyeye.
Ntamuhanga, umwe mu baregwa, yabwiye urukiko ko afite ikindi kibazo cyo kubona umunyamategeko umwunganira.
Yasobanuye ko nta bushobozi afite bwo kumuhemba kuko ari muri gereza kandi ko yabuze uburyo bwo kwemererwa kwishingirwa binyuze mu nzego z'ubutegetsi bw'ibanze.
Umwe mu bahagarariye uruhande rw'ubushinjacyaha, Faustin Nkusi yabwiye urukiko ko abaregwa bafite uburenganzira bwo kuburana bazi neza ibyo bashinjwa, yemera icyifuzo cyabo cy'isubikwa ry'iburanisha no guhabwa umwanya wo kwiga kuri dosiye yabo.
Umucamanza abaha iminsi 30 yo kwitegura mbere yo kugaruka mu rukiko kwisobanura ku byaha baregwa.
Kizito Mihigo uzwi mu bihangano bishishikariza ubumwe n'ubwiyunge n'indirimbo zwizwi nk'izihimbaza Imana, yatawe muri yombi mu kwezi kwa Kane uyu mwaka wa 2014,